NIDOVIUM

NIDOVIUM

German. Nidow, oppid. Helvetiae, in agro Bernensi, ad effluxum lacus Biennensis, insulae instar situm, cum arce: Olim sub propriis Comitibus, e quibus Ludovicus in co mitatu fuit Friderici I. Imperatoriis circa A. C. 1160. Cuius successores, cum Episcopo Basiliensi, contra Bernenses, foedere initô circa A. C. 1367. ab eo oppidulum Olten muneri acceperunt. Exstincta familia est A. C. 1374. ultimô Comite ab Anglis, qui tum in Argoviam irruperant, occisô. Cuius agnati proximi cum hereditatem adiissent, Comes Kyburgius et Comes Tierstenius, Episcopus Nidovium rapuit: sed ab iis victus, reddidit. Oppigneratum dein, ad ultimi Comitis heredumque debita solvenda Austriacis, in horum ditione mansit, usque ad A. C. 1388. quo a Bernensibus ac Soloduriis, post prostratas iis in locis Sempacensi strage Austriacorum vices, occupatum est, a quo tempore Rei publicae Bernensis imperium agnoscit. Vide Ioh. Stumpfium Chron. Helv. l. 8. c. 20. Per Praefectos administratur, illuc a Magistratu Bernensi mitti solitos, Ios. Simlerus de Rep. Helv.